Ibrahim Muçaj është nga fshati Margegaj i Tropojës, një nga zërat më brilantë që ka nxjerrë kjo trevë ndër vite. Së bashku me Syk Paplekën, ata përfaqësojnë dy nga figurat më të ndritura të muzikës tropojane, që i kanë dhënë emër dhe lavdi Tropojës në mbarë Shqipërinë.

Ibrahimi është autor dhe kompozitor i shumë këngëve të njohura, që edhe sot këndohen me dashuri nga publiku. Ai ka marrë pjesë në shumë festivale dhe është vlerësuar për shkëlqimin vokal, stilin e veçantë dhe origjinalitetin artistik.

Në karrierën e tij të gjatë, ka bashkëpunuar si solist, por shpesh ka zgjedhur duetet, duke sjellë emocione të veçanta me zëra të tjerë të njohur. Fillimet i pati me Islam Mustafën, më pas me Agim Osmanin, Eduard Muçajn, dhe së fundi me Gjovalin Prronin, me të cilin ka realizuar disa projekte të suksesshme e shumë të pëlqyera nga publiku.