I
Kur ditët i nxin pesha e robëris
jo nuk ka pranver pos kostumit t'zis
se tingujt e luftës seç i sjell jehona
s'durojn më s'durojn kto trojet tona

Haradin Bajrami
rreshtohet me shokë
me trup e me mendje
me shpirt e me kokë
mu n'kodër t'barotit
goditja e parë
prite far e keqe
sulmin çlirimtar

ref...
n'vend luleve t'Prillit
lulet e lirisë
anekand Blinajën
na e kan qëndis
na i ra Luletiqit
o kjo rrezja e diellit
edhe ret e zeza ikin tutje qiellit

II
Ligata e Madhe seç gjëmon e heshtur
por liga e pabesë leqe paske fshehur
nën shkurre e driza o dhe tek lëndina
mbushur plot me gjëmba mbushur plot me mina

mesdita e 2 Prillit ngriu si mal me borë
Haradin Bajramin na e veshi dëshmor
në shtigje t'atdheut seç na la ni emër
në kujtimet tona përher rrah ni zemër

ref...
n'vend luleve t'Prillit
lulet e lirisë
anekand Blinajën
na e kan qëndis
na i ra Luletiqit
o kjo rrezja e diellit
edhe ret e zeza ikin tutje qiellit