Lamtumirë oj nana ime,
se po shkoj në Spanjën trime,
t’jau nimoj atje ni pushkë,
oooo e lirisë t’ja shtoj ni krushk,
oooo e lirisë t’ja shtoj ni krushkeee…

Tmerr i luftës në çdo anë,
harron fmija me thirrë oj nanë,
prej mjerimit e terrorit,
oooo kudo n’votra hije vorri,
oooo kudo n’votra hije vorri…

Heejjj lumi Ebro po rrjedh gjak,
Asim Vokshi si bajrak,
po qëndron në ballë t’stuhisë,
oooo ni copë shkambi krah i lirisë,
oooo ni copë shkambi krah i lirisë…

Heejjj nji grusht dhe në dorë shtrëngue,
t’fala nans mos t’qajë për mue,
n’brigje t’Ebros me granadë,
oooo trupi im sot mori flakë,
oooo trupi im sot mori flakë…

Heejjj mori flakë mbetë dritë lirie,
si pishtar simbol trimnie,
që se shym koha as moti,
oooo n’brigje t’Ebros Asim Vokshi,
oooo n’brigje t’Ebros Asim Vokshi…