Muzikant e dirigjent nga më të mirët e Shqipërisë, pjesë e një familjeje artistësh të vërtetë që muzikën e kanë pasion dhe kanë lënë emër në historinë e Shkodrës. Prof. Iliri ka zbuluar dhe ka punuar me shumë talente, të cilët kanë fituar konkurse kombëtare dhe ndërkombëtare, duke bërë krenarë Shkodrën e Shqipërinë.

Kompozitori, dirigjenti,instrumentisti, Ilir Zoga, drejton për dekadash orkestrën e Teatrit "Migjeni", ka kompozuar dhjetra këngë, ka udhëhequr me qindra koncerte te ndryshme, është një nga zbuluesit dhe inkurajuesit e talenteve të reja, udhëheqesi artistik dhe bashkëdirigjent në Festivalin "Luleborë".