Indri Shiroka, emri i plotë i të cilit është Indri Qyteza Shiroka, është një aktor italo-shqiptar i lindur në Shqipëri dhe i rritur në Itali. Indri studioi aktrim në Accademia Teatro Azione në Romë, ku u diplomua në vitin 2015. Gjatë karrierës së tij, ai ka punuar në fusha të ndryshme, duke përfshirë filmin, televizionin dhe teatrin.

Aktori, Indri Shiroka i bashkohet kastit të Ferma VIP 3. Shkodranët njihen për dashurinë që kanë për biçikletat dhe Indri u fut brenda fermës me një biçikletë. ‘Erdha prej Shkodre me biçikletë’ u shpreh Indri ndërkohë që në sfond e shoqëronte muzika shkodrane. Aktori u shpreh shumë entuziast për hyrjen dhe i gatshëm për çdo sfidë brenda fermës më të famshme në vend.