Nënë e dashur, lamtumirë
Ju le shënde’n miq të mi
Më djeg, o, një fuqi e dlirë
Drejt të përflakurës Indi…
Dhe anija lehtë lehtë lundron
Pret valët e detit të trazuar,
Për herë të fundit syri vrojton
Brigjet e Evropës së hakërruar

Më 5 shtator bëhen 18 vjet nga vdekja e nobelistes dhe humanists shqiptare Nënë Tereza dhe është pikërisht kjo datë që shqiptarët do të bekohen me një himn që do t’i bashkojë të gjitha trevat shqipfolëse.

Një himn i krijuar nga vargjet e poezisë që Nënë Tereza shkroi në vitin 1928 teksa përshkonte rrugën prej Irlandës në Kalkutë.

Vargjet e poezisë së saj "Lamtumirë" do të interpretohen nga sopranoja shqiptare me famë botërore, Inva Mula me kompozitor Lorenc Antoni.

Promovimi zyrtar i himnit është planifikuar që të bëhet në ditën botërore të bamirësisë dhe në përvjetorite 18 të vdekjes së nobelistes Nënë Tereza, pra më 5 shtator në Prishtinë.Ngjarje që për soprano Inva Mula shënon një ditë të vecantë.

Inva Mula: Ky është një projekt që na takon të gjithëve dhe ne sot e incizojmë himin e Nënë Terezës, është hapi i parë nën tinkujt e bukur të Genc Tukicit që është edhe motori kryesor i kësaj iniciative.