Dielli sot ka lindur herët,
nuk më ngrohin rrezet e tij.
Unë jam bimë gjysmë e çelur,
gjysmë e tharë sepse zemrën
e kam atje larg.

Në shtëpinë time ku fle pak
se më zgjon pa gdhirë kënga
e një këndezi, këtij fqinji që
me mua jeton në kryeqytet
e ndiej diçka, ndoshta mall.

Atje ku nuk ka as semaforë,
ku shpirti s’gjen jo paqe e
politika ditën të helmon;
ku plot kujtime përgjojnë
në çdo cep dhe në çdo skaj.

Dielli sot ka lindur herët,
nuk më ngrohin rrezet e tij.
Unë jam bimë gjysmë e çelur,
gjysmë e tharë sepse zemrën
e kam atje larg.