Shëtisim në bregdetin e vendit tim
të dy, era na rreh si një e marrë,
bluja e qiellit mbi ujë reflektohet
edhe në shpirt na depërton ngadalë.

Mes të rinjve më mbështjell alegria,
mrekullohem nga kjo bukuri pa fjalë,
drita lokalesh seç notojnë mbi ujë,
dridhen porsi një gotë me shampanjë.

Qentë e vetmuar na shoqërojnë tani,
pakëz dashuri me siguri po kërkojnë.
Janë pjesë e shëtitjes në bregdetin
e vendit tim, që është unik në botë!

Shëtisim në bregdetin e vendit tim
të dy, era na rreh si një e marrë,
bluja e qiellit mbi ujë reflektohet
dhe në shpirt na depërton ngadalë.