Kastriot Tusha
  • Vendlindja:
  • Elbasan 
  • Mosha:
  • 56 Vjeç
  • Ditëlindja:
  • 14 Prill 1963
  • Shenja e Horoskopit:
  • ♈ Dashi
Zgjidhni me sa yje do votoni

Mesatarja:  4.9 / Votuan:  43
Këndon kryesisht: popullore qytetare klasike

Kastriot Tusha është këngëtar shumë i njohur. Kastriot Tusha është tenor shqiptar. Në Shkollën e Mesme të Muzikës "Onufri" (Elbasan) i mori mësimet fillestare për kanto. Më pas mësimet për kanto i vazhdoi në Akademinë e Arteve të Bukura në klasën e Gaqo Qakos. Studimet i kreu në vitin 2002 dhe më pas u aktivizua pranë solistëve të Teatrit të Operës dhe Baletit, por edhe si këngëtar, solist pranë Ansamblit të Këngëve e Valleve Popullore. Këtu ai realizoi shumë projekte me pjesëmarrje në shumë role në operat shqiptare dhe të huaja, me koncerte të ndryshme, me repertor të pasur. Debutoi në shumë opera me role si Alfredo në "La Traviata", role në "Rigoleto", "Trovatore”, "Berberi i Seviljes", "Paliaci", "Peshkatarët e Perlave" etj. Ai tregoi aftësitë e tij të këndimit brenda vendit dhe jashtë tij në shumë zhanre dhe turne, si në fushën e muzikës klasike, muzikës së lehtë dhe asaj të zgjedhur popullore si dhe ritmeve latino-amerikane. U paraqit në koncerte në Kosovë, Maqedoni, Gjermani, Itali, Zvicër, Turqi, Angli, Irlandë, Danimarkë, Norvegji, Suedi, ShBA, Kanada, etj. Këndoi ndër të tjera edhe nën shoqërimin e Orkestrës së Re të Filarmonisë. Koncertet e tij shumë të njohura janë: "Kastriot Tusha me Miqtë", "Latino American Classic", "Vikena Kamenica & Kastriot Tusha", "Tre Tenorët" etj. Me rastin e premierës së operës të parë kosovare Dasma arbëreshe Kastriot Tusha interpretoi rolin e Arbrit. Për dëgjuesin shqiptar u bë i njohur më shumë me zhanrin e këngës qytetare, që ai i këndon me tingullin e tenorit lirik. Ai mbetet një ndër teneorët shqiptarë më të mirë të të gjithë kohrave. Tenori nga Elbasani që është njehsuar me himin Kombëtar që con peshë gjithë shqiptarët në botë kur këndon Himnin në ndeshjet ndërkombëtare. E sheh gjithmonë të qeshur por dhe gjithmonë në lëvizje. Zëri i tij tashmë ka kohë që i ka kaluar kufijtë e vendit dhe ka arritur deri në Koren e Jugut. Por atë nuk e dehin sukseset, pasi e di mirë se mbivlerësimi të con në shterpëzim. Eshtë tepër familjar, por mbi të gjitha shumë kërkues për veten ku kritikën më të shëndoshë e sheh tek familja.

Në Dhjetor 1991, Kastriot Tusha merr pjesë në Festivali i 30-të në RTSH me këngën "Borxhet E Mia".

Në Dhjetor 1994, Kastriot Tusha merr pjesë në Festivali i 33-të në RTSH me këngën "Ishte Pranverë".

Në Dhjetor 1997, Kastriot Tusha & Jonida Maliqi marrin pjesë në Festivali i 36-të në RTSH me këngën "Flas Me ëngjëllin Tim".

Në vitin 2001, Kastriot Tusha publikon albumin "Serenata".

Në vitin 2002, Kastriot Tusha publikon albumin "A Live Performance: Latino-American-Clasic".

Në vitin 2003, Kastriot Tusha publikon albumin "Duam Gol".

Në vitin 2005, Kastriot Tusha publikon albumin "Jeto Jeten".

Më datë 26 Shkurt 2010, Kastriot Tusha publikon videoklipin "Pa Kosovë Nuk Ka Shqipëri".

Në vitin 2011, Kastriot Tusha publikon albumin "World Music".

Më datë 10 Mars 2012, Kastriot Tusha publikon videoklipin "Ndale Shkaun Moj Evropë".

Më datë 19 Nëntor 2012, Enkelejda Arifi, Kastriot Tusha, Ilir Shaqiri, Selami Kolonja & Nikollë Nikprelaj publikojnë videoklipin "Nën Një Flamur Të Pandarë". Videoklipi u prodhua nga Video Art.

Më datë 6 Shkurt 2013, Julian Gjojdeshi & Kastriot Tusha publikojnë videoklipin "Per Hir Te Dashurise". Me këtë këngë, Julian Gjojdeshi & Kastriot Tusha marrin pjesë në Netët E Klipit Shqiptar 12 në vitin 2013.

Më datë 8 Mars 2014, Selami Kolonja & Kastriot Tusha publikojnë videoklipin "Vargje Për Nënën". Muzika e këngës u punua nga Selami Kolonja, teksti u shkrua nga Selami Kolonja, ndërsa për orkestrimin u kujdes Sajmir Çili. Me këtë këngë, Selami Kolonja & Kastriot Tusha marrin pjesë në Netët E Klipit Shqiptar 13 në vitin 2014.

Më datë 5 Janar 2015, Kastriot Tusha & Andreino Lena publikojnë videoklipin "Vlora Ime".

Më datë 13 Maj 2015, Kastriot Tusha publikon videoklipin "Elbasani Im Elbasan".

Më datë 29 Maj 2016, Kastriot Tusha publikon videoklipin "Autochthonous, Biri Im". Muzika e këngës u punua nga Edmond Zhulali, teksti u shkrua nga Agim Doçi, ndërsa për orkestrimin u kujdes Edmond Zhulali.

Më datë 1 Qershor 2016, Kastriot Tusha & Manjola Nallbani publikojnë videoklipin "Balli I Oxhakut". Muzika e këngës u punua nga Edmond Zhulali, teksti u shkrua nga Agim Doçi, ndërsa për orkestrimin u kujdes Edmond Zhulali.

Më datë 3 Shtator 2016, Eli Fara & Kastriot Tusha publikojnë videoklipin "Nga Dashuria". Teksti u shkrua nga Rozana Radi. Për orkestrimin u kujdes Alandy. Videoklipi u prodhua nga Max Production.

Më datë 23 Shtator 2016, Kastriot Tusha & Dorina Plaku publikojnë videoklipin "Nostalgji".

Më datë 19 Tetor 2016, Elita Reçi & Kastriot Tusha publikojnë videoklipin "Te Du Moj Goce E Vogel".

Më datë 8 Tetor 2017, Shkodran Tolaj & Kastriot Tusha publikojnë videoklipin "Kërçovari".

Më datë 2 Shkurt 2018, Shkurte Fejza publikon videoklipin "Nje Zemer", në bashkëpunim me Kastriot Tusha. Kënga është me motive patriotike dhe është punuar nga Edmond Zhulali, gjersa vargjet e tekstit i ka shkruar Faruk Tasholli. Producent i projektit është bashkëshorti i këngëtares Fejza, Harjush Behluli. Ana vizuale e klipit i është besuar produksionit “Dream Pictures”. “Një zemër” është finalizuar me një klip të detajuar, i cili sjell pamje nga Kalaja e Krujës dhe shumë monumente tjera historike.

Më datë 14 Maj 2018, Anxhela Peristeri publikon videoklipin "Insanely In Love", në bashkëpunim me Kastriot Tusha. Ky është versioni anglisht-italisht i këngës "E Çmendur". Muzika u punua nga Kledi Bahiti, teksti u shkrua nga Olti Curri, ndërsa për orkestrimin u kujdes Kledi Bahiti. Videoklipi u prodhua nga MAX Production.

Më datë 26 Nëntor 2018, Turgut Ozal College publikojnë videoklipin "Rroftë Shqipëria", në bashkëpunim me Irma Libohova, Juliana Pasha & Kastriot Tushën. Muzika e këngës u punua nga Genti Lako, teksti u shkrua nga Anita Hoxha & Irma Libohova, ndërsa për orkestrimin u kujdes Genti Lako.

Më datë 14 Dhjetor 2018, Gold AG publikon videoklipin "Ushtria E Kosovës", në bashkëpunim me Kastriot Tushën dhe është kujdesur vetë për tekstin dhe muzikën e këngës. Muzika dhe orkestrimi i këngës janë punuar edhe nga Alban Furtuna.

Më datë 7 Dhjetor 2019, Arif Vladi & Kastriot Tusha publikojnë videoklipin "Per Ty Shqiperi". Muzika e këngës u punua nga Edmond Zhulali, teksti u shkrua nga Çun Lajçi, ndërsa për orkestrimin u kujdes Edmond Zhulali.

» Dërgo Korrigjime »

» Tekstet e Këngëve »

Punuan Biografinë:  arsimdiber  


Më shumë artikuj nga Kastriot Tusha »