Kejdi Binaj e nisi rrugëtimin e tij me muzikën në moshën 17-vjeçare në qytetin e Vlorës. Prej atëherë ai është i pranishëm në skenat e muzikës live, jo vetëm në Shqipëri por edhe në Kinë, vendi ku ka jetuar për 5 vjet. Me talentin e një multi-instrumentisti, i cili luan në kitarë, bateri dhe piano, dhe me zërin e veçantë, Kejdi i kompozon vetë këngët e tij dhe pret të regjistrojë shumë ide dhe kompozime të përfunduara.