Krijimi muzikor është sjellë tek publiku i punuar mjaft këndshëm edhe me videoklip muzikor, i cili u publikua më 3 Qershor 2015. Kompozitor është Briz Musaraj, ndërsa tekstin e shkroi vetë këngëtari. Kaluan afro 6 vjet nga kënga e parë dhe ja ku vjen "Yes", në anglisht dhe përmban skena të forta seksi. Kënga është një bashkëpunim me "Tull Productions". Gjatë spektaklit në ‘Top Fest’, autori dhe moderatori i këtij edicioni, rezervoi një surprizë, për të cilën ka thënë se ka 4 vjet që e mendon, por nuk ka gjetur hapësira: "Kur është koha e duhur, edhe Ledioni këndon", - ka thënë ai për Top Channel. Ledioni performoi këngën para publikut, dhe pas pak ditësh videoklipi u lansua në kanalin YouTube. Fansat e kanë cilësuar si një stil këndimi i Justin Timberlake. Liço guxon të provojë edhe këngën si një pasion që nga fëmijëria e tij, por përveç këngës ajo që tërheq më tepër vëmendjen është klipi. Vajza të veshura me body nude, para të hedhura mbi shtrat, të maskuara me maska kafshësh dhe pjesa e fundit.