Dhe u nisen trimat
Dhe u nis kolona
Krah përkrah me burrat
Edhe malet tona…
Dhe u hodhën shkrepat
Kodrat, pllajat, grykat
Që t’i shurdhojnë topat
E t’i përpijnë tytat!
Hapëruan dhe arat
Me misër e grurë
Flaka përlau pyjet
Deri n’dhe e gurë!
Po pak përtej zjarri
U gjet një copë druri
E n’gji të një trimi
Bez i kuq flamuri.
Dhe u ngrit flamuri
Mbi krerët, mbi zemrat
Bisha kërkon gjurmët
Do t’i pështyjë thembrat!
Por s’ka lënë gjë zjarri
Gjurmët i ka fshirë
Ujkonja me këlyshët
T’nemitur, të ngrirë…