Zëri i ëmbël dhe melankolik e identifikojnë atë. I lindur për muzikë. Ngjyrat e zërit të tij janë një karakteristikë e fuqishme që e identifikojnë. Vjen ndryshe nga të tjerët duke goditur thellë. Sa duket ambicioz në rrugën që ka filluar, duket edhe aq mirënjohës për ata që e kanë mbështetur në këtë rrugëtim. Lok Komoni, vjen me këngën e tij të parë Kohërat kanë ndryshu, e realizuar në bashkëpunim me këngëtarin e mirënjohur, Ramadan Krasniqi – DANI! I veçantë dhe karakteristik në personalitetin e tij artistik, i përcjellur me një zë të admiruar nga të gjithë ata që kanë patur fatin ta dëgjojnë, Loki vazhdon rrugëtimin e tij të filluar për të sjellë një botë ndryshe artistike. Edhe pse i ri në muzikë, ai nuk ka frikë nga konkurenca në treg. Ai beson se zërin e ka dhuratë nga Zoti dhe, do të këndoj përgjithmonë për adhuruesit e tij, duke besuar se popullariteti nuk njeh as moshë e as gjini. Prandaj ai beson në suksesin e tij në të ardhmen. Këngëtari nga Deçani, i cili tashmë është i njohur për skenën shqiptare, në dhjetor të vitit që lamë pas, ka sjellë projektin e tij të parë muzikor të punuar nga producentë të njohur shqiptar. Loki, beson se në të ardhmen do të ketë edhe bashkëpunime tjera me Danin dhe këngëtarë të mirënjohur të estradës shqiptare. Stili i Lokit nga mediat shqiptare cilësohet si një përzierje e Ramadan Krasniqit dhe Sinan Vllasaliut, çka na bënë të kuptojmë se ardhmja e Lokit do të jetë shumë premtuese dhe plot befasi.

Më datë 21 Dhjetor 2013, Loki & Dani publikojnë videoklipin "Kohërat Kanë Ndryshu". Ky ishte bashkëpunimi i tij i parë me Ramadan Krasniqin, këngë kjo që është shkruar nga Valon Biba, i cili edhe e ka përgatitur muzikën e këtij projekti muzikor. Orkestrimi i kësaj kënge është bërë nga Virusi.

Më datë 25 Maj 2014, Lok Komoni publikon videoklipin "Du Me Eksplodu".

Më datë 6 Dhjetor 2014, Lok Komoni publikon videoklipin "Jam I Pafat".

Më datë 28 Dhjetor 2016, Lok Komoni publikon videoklipin "U Kry".

Më datë 19 Shtator 2017, Loki publikon videoklipin "E Dham Besen", në bashkëpunim me Gold AG.

Në vitin 2018, Lok Komoni publikon albumin "Kenge Te Shpirtit".

Më datë 9 Nëntor 2018, Lok Komoni publikon videoklipin "Bab E Nane".

Më datë 24 Shtator 2019, Sinan Vllasaliu & Lok Komoni publikojnë videoklipin "Qikat E Prishtines". Muzika e këngës u punua nga Nexhat Mujovi (Wirusi) & Arsim Bunjaku, teksti u shkrua nga Arsim Bunjaku, ndërsa për orkestrimin u kujdes Nexhat Mujovi (Wirusi).

Më datë 14 Shkurt 2020, Lok Komoni publikon videoklipin "Emrin Tënd Thërras".

Më datë 14 Gusht 2020, Lok Komoni publikon videoklipin "Sillu Pshtillu". Teksti i këngës u shkrua nga Ghulo. Videoklipi u prodhua nga kompania BUG Production.

Më datë 1 Shtator 2020, Lok Komoni publikon videoklipin "Krejt Ty Ti Dhash". Muzika dhe teksti i këngës janë punuar nga Valon Biba.

Më datë 4 Qershor 2021, Flora Gashi & Lok Komoni publikojnë videoklipin "Daja Per Nip". Muzika dhe teksti i këngës janë punuar nga Kreshnik Avdiu. Videoklipi u prodhua nga kompania BUG Production.

Më datë 23 Qershor 2021, Lori, Uran Dervishi, Miranda Hashani, Lok Komoni, Violeta Kajtazi & Arshik Miftari publikojnë videoklipin "Potpuri 2021".

Më 4 Dhjetor 2022, Lok Komoni publikon albumin "Mos Ma Prek Shkja Kufinin".

Më datë 17 Shkurt 2023, Lok Komoni publikon videoklipin "Betimi I Gjeneralit". Muzika dhe teksti i këngës janë punuar nga Avni Qahili.

---