Luiz Ejlli
Luiz Ejlli
Luiz Ejlli
  • Vendlindja:
  • Shkodër
  • Jeton në
  • Shqipëri
  • Mosha:
  • 38 Vjeç
  • Ditëlindja:
  • 12 Korrik 1985
  • Horoskopi:
  • ♋ Gaforrja
{{ risposta }}
Mesatarja:  {{ nStars }} / Votuan:  {{ nVotes }}


Këndon kryesisht: pop e lehtë
Luiz Ejlli është këngëtar i njohur. Luiz Ejlli në mes te vitit 1991 dhe 2002 ai mori pjesë në "Prenk Jakova" shkollën e mesme në Shkodër. Në vitin 1995, ai fitoi çmimin më të mirë në "Festivalin E Zerave Te Fëmijëve Kombëtar" në Shkodër. Në vitin 1998, ai mori pjesë si solist në "Chorus repertoarit Gold", në Shkodër. Në vitin 1999, ai ishte një solist (Tenori) në kor "Prenk Jakova" në Shkodër polifonik. Luiz erdhi në famë në Shqipëri, kur ai mori pjesë dhe fitoi versionin shqiptar të "Idol" në Tiranë.

Luiz Ejlli është ndër konkurrentët që në “Big Brother” ka fituar një popullaritet të gjerë. Të shumtë janë fansat e tij, që e kanë mbështetur si në rrjetet sociale, ashtu edhe me prezencën e tyre jashtë shtëpisë. Historia e këngëtarit shkodran ka bërë për vete ndjekësit, duke e cilësuar si një djalë kurajoz dhe shumë të zgjuar. Nga ana tjetër edhe vetë këngëtari ka folur për jetën e tij, që duhet thënë ka pasur shumë ulje-ngritje. Qysh në fillim të edicionit ai ka filluar që të paraqitet si një njeri i thjeshtë duke mos përmendur shkollimin e arritjet derisa është dashur që të tregojë për jetën e tij në një lojë që iu dha.

Ai i habiti të gjithë banorët kur u tregoi se është jurist se kishte punuar si noter dhe kishte zyrën e tij ku punoi për disa vite, madje ai ishte edhe diplomat në Francë, ndërsa ka përfaqësuar Shqipërinë në “Eurovision” si këngëtar. Kjo ka bërë që nga publiku të admirohet kaq shumë si një njeri me shumë arritje në jetë, por që pëlqen të tregohet shumë i thjeshtë, madje në një bisede me Oltën ka thënë se nëse e fiton çmimin do blej një shtëpi se është me qira. Por, një video që qarkullon në rrjetin social “Tik Tok”, thuhet që Luizi ka mjaft pasuri ku zotëron tri shtëpi, një në vendlindjen e tij në Shkodër, një në Francë ku ka jetuar për disa vite dhe një shtëpi në Tiranë aty ka ku jetuar kohëve të fundit.

Pas largimit nga Franca ai gjeti punë pranë OSHE-së, duke bërë që të qëndrojë me qira edhe në Tiranë. E vetmja banesë që ai ka është në Shkodër, dhe është pikërisht një pronë e përbashkët që e ka me familjarët e tij. Bëhet fjalë pikërisht për shtëpinë ku këngëtari u lind dhe u rrit në Shkodër. Sa i përket makinave luksoze që paraqiten, duket se janë shumë larg realitetit të tij. Kjo për faktin se në Tiranë më shpesh e kemi parë në këmbë Luizin sesa në një mjet. Ndërsa sa i përket lëvizjeve të tij në Paris, makinat ishin pronë e shtetit, duke qenë se Luizi mbante një post të rëndësishëm në ambasadë, kishte të drejtë t’i përdorte. Por, me t’u larguar nga puna e tij në Paris, Luizi vendosi të bënte jetën e tij si noter në Tiranë.

Edhe këtu nuk kanë qenë të lehtë hapat e tij. Pasi ia doli të kishte zyrën e tij, duket se puna nuk po i shkonte si duhej, për këtë arsye licenca iu hoq, duke qenë se kishte shumë vite pa ushtruar vulën e tij. Nga jeta si artist e pastaj diplomat, Luizit iu desh shumë të përshtatej në lëkurën e re si noter. Duke mos u futur dot në këtë treg e duke qëndruar larg miqve e kolegëve të tij në këtë fushë, Luizi ka lëshuar zyrën që ka pasur me qira për biznesin e tij disa muaj më parë.

Pas jetës së mirë që bënte si diplomat në Paris, artisti nga Shkodra, u ndesh me vështirësi të mëdha ekonomike në Tiranë. Krejt i vetëm, duke qenë se pjesën tjetër të familjes e ka në SHBA, Luizit iu desh të niste një punë në KESH, por duhet thënë se edhe këtë punë tashmë e ka humbur. Këngëtari Luiz Ejlli para se të bëhej pjesë e formatit televiziv ka punuar si specialist i nivelit të lartë në Korporatën Elektroenergjetike Shqiptare me rrogë më pak se 1 milion lekë të vjetra. Ai ka folur pikërisht për këtë episod në shtëpinë e BBV-së para deklaratës kontradiktore që futi popullin shqiptar në dilemë.

Ejlli deklaron se KESH-i ka ndërruar mendje për dhënien e lejes gjatë kohës që ai do të ishte pjesëmarrës në BBV2 dhe e ka ritelefonuar për t’i thënë se nuk munden t’i japin leje nga frika se mund t’u prishë imazhin. Në atë moment, këngëtari rrëfen se është larguar.

“Firmosa kontratën me ‘Top’-in dhe dy ditë para se me hy mrenë më marrin në telefon e më thonë nuk ta japim dot lejen se më thanë që ‘mund të na prishësh imazhin’. Në ç’kuptim i thashë jua prish imazhin? Se mren mund të bësh naj budallallik, naj gomarllik, se mund të bëhesh problem dhe se kur të dalësh nga aty do vish në punë këtu dhe do thojnë ‘u ky që ka bo atë, punon në KESH. Dhe unë i thashë ‘ok’ s’po jua prish imazhin”, deklaroi Ejlli para kamerave, duke deklaruar se tashmë është pa punë.

Vetë në deklaratat e tij, Luizi e ka deklaruar se “Big Brother” është tentativa e fundit që po bën për të rregulluar jetën e tij në Tiranë, në mos do të largohej përfundimisht në SHBA. Dhe i thashë vetes futu dhe fokusohu në lojë. E kisha stakuar trurin, doja ta mbyllja këtë gjë këtu, të shkojë si të shkojë, dhe në varësi se si do më shkonte këtu, do vendosja për jetën time jashtë. A do rrija më në Shqipëri apo do ikja në Amerikë. Thosha nëse nuk më ecën te ‘Big Brother’-i, e kisha bërë në plan me e mbyll me Shqipërinë, komplet. S’do kthehesha më. Do bëja një ‘restart’ tjetër atje. Dhe e ndava mendjen. Tani kur hyra këtu, këtu ku jam ulur ishte Kiara dhe kur e pashë ‘live’ ishte gjë tjetër. Kiara më ka dalë jashtë parashikimeve, se shumë gjëra i kisha parashikuar. S’e edhe kur e pëlqeva nuk e dija që do e doja kaq shumë sa për të mos më zënë gjumi. Më rrinte mendja tek ajo”,u shpreh Luizi gjatë një bisede me Kristin.

Nga ana tjetër edhe vetë Kiarës ia ka thënë se jashtë nuk ka asgjë, as punë, as lekë, as shtëpi, duke i thënë se për të do të jetë gjithçka nga e para jashtë. Por duket se ai ende nuk e di që jashtë shtëpisë, Luizi është bërë nga imazhet më të dashura. Të shumtë janë drejtuesit e bizneseve që kanë bërë gati kontratat e majme për konkurrentin e “Big Brother”, duke i propozuar shuma që mund ti ndryshonin jetën.

Në vitin 2004, Luiz Ejlli shpallet fitues në Ethet E Së Premtes 2.

Në Dhjetor 2004, Luiz Ejlli merr pjesë në Festivali i 43-të në RTSH me këngën "Hena Dhe Yjet Dashurojne".

Në Shtator 2005, Luiz Ejlli merr pjesë në Mikrofoni I Artë 2005 me këngën "Mengjes".

Në Dhjetor 2005, Luiz Ejlli merr pjesë në Festivali i 44-të në RTSH me këngën "Zjarr E Ftohte" dhe fiton. Ai përfaqëson Shqipërinë në Eurovizion 2006, por nuk arriti per te kaluar fazën e gjysmë-finale. Luiz Ejlli ishte i pari mashkull ne garë i cili përfaqësoi Shqipërinë per here te pare me një këngë në gjuhën shqipe.

Në Shtator 2006, Rudi merr pjesë në Mikrofoni I Artë 2006 me këngën "Per Nje Vajze Qe Di Te Doje", në bashkëpunim me Luiz Ejlli & XXL.

Në Dhjetor 2008, Juliana Pasha & Luiz Ejlli marrin pjesë në Festivali i 47-të në RTSH me këngën "Nje Jete".

Në Nëntor 2010, Juliana Pasha & Luiz Ejlli marrin pjesë në Kënga Magjike 2010 me këngën "Sa E Shite Zemren", ku u shperblyen me çmimin e Kritikes. Ne kete festival ata arriten te grumbullojne 697 pikë votuar nga vete artistet e ketij festivali gje te cilen u shperblyen me cmimin e parë.

Më datë 15 Shtator 2011, Luiz Ejlli publikon videoklipin "Iluzion". Videoklipi u prodhua nga Pulla. Me këtë këngë, Luiz Ejlli merr pjesë në Netët e Klipit Shqiptar 11 në vitin 2012.

Në Dhjetor 2013, Luiz Ejlli merr pjesë në Festivali i 52-të në RTSH me këngën "Kthehu".

Në Dhjetor 2015, Luiz Ejlli merr pjesë në Festivali i 54-të në RTSH me këngën "Pa Mbarim".

Në Dhjetor 2017, Luiz Ejlli & Rezarta Smaja marrin pjesë në Festivali i 56-të në RTSH me këngën "Ra Një Yll".

Më datë 14 Shkurt 2023, Luiz Ejlli publikon videoklipin "Me Ty". Kënga është kompozuar nga Elgit Doda. Luiz Ejlli ia ka dalë që brenda shtëpisë së “Big Brother” të krijojë një këngë dedikuar Kiarës, si një dhuratë për ditën e të dashuruarve. Vargjet dedikuar Kiarës, duke se përshkruajnë ndjesinë që këngëtari ka për moderatoren, me të cilën u njoh dhe u lidh në shtëpinë e famshme.

Më datë 12 Maj 2023, Luiz Ejlli & Donald Veshaj publikojnë videoklipin "2 Shotsa". Tekstin e këngës e punuan në bashkëpunim Elgit Doda, Donald Veshaj & Romeo Veshaj. Produksioni audio u realizua nga Elgit Doda.

Më datë 16 Qershor 2023, Luiz Ejlli publikon videoklipin "Përjetësisht". Muzika dhe teksti i këngës janë punuar nga Bardhi Idrizi. Produksioni audio u realizua nga Çelik Lipa.

Më datë 27 Korrik 2023, Luiz Ejlli publikon videoklipin "Dedikim". Muzika dhe teksti i këngës janë punuar nga Petro Xhori, ndërsa orkestrimi u realizua nga Xhulio Milloshi.

Më datë 7 Shtator 2023, Luiz Ejlli publikon videoklipin "Amanet". Muzika e këngës u punua nga Anxhelo Koci, teksti u shkrua nga Petro Xhori, ndërsa për orkestrimin u kujdes Xhulio Milloshi.

Më datë 23 Tetor 2023, Luiz Ejlli publikon videoklipin "Pa Ty". Muzika dhe teksti i këngës janë punuar nga Elgit Doda.

Më datë 22 Nëntor 2023, Luiz Ejlli publikon videoklipin "Frymë". Muzika e këngës u punua nga Elgit Doda, ndërsa teksti u shkrua nga Ida Nurçe.

» Dërgo Korrigjime »

» Tekstet e Këngëve »

Punuan Biografinë: Annonim Annonim  



Pjesëmarrja Në Festivale:



Lajme Showbiz:

Më shumë artikuj nga Luiz Ejlli »

Komente 81