Ref:

Es macht "päuuu" gsehsch nüt angers aus bluet,
es macht "päuuu" auses angärä aus Muet...
Es isch nid so gschiid nid so schlau,
ei Sekundä nid druf gluetgt machsch für zLäbä lang Blau...

Part 1.
Het ds Läbä ä Sinn für was stahni jedä Morgä uf
für was immer widr für was blick i ab u nid uf…
I schissä druf, ha dNasä vou vo däm Autagfick,
am liebschtä würdi jedem zwöitä gä ä rissä Arschkick…
ke Liechtblick i mirä Sicht, i gseh ä düschtäri Zit,
ke Liechtblick i mirä Sicht, i gseh ä wüeschtäri Zit.
Ohni Gränzä ke Limit, jedä kämpft für si Profit,
i pissä inä Eggä, beobachtet dürnä Satelit…
Wo füert ds härä hee wo blibt dr Schlachtplan,
vergeit es Jahr ohni schlächti news usem Baukan.
Vergeit ä Monet ohni toti dürnä Raser im Verchehr,
vergeit ä Tag ohni Blauliecht ohni Füürwehr…
Trurä immer widr, um mini Brüeder i däm Land,
immer widr bättä zu Gott verlangä dr Verstand..
verlangä dMörderhand, suechä nach dr Antwort,
gseh immer Biuder vor Ougä vo däm Unglücksort!!
Wi schreckläch muess es si am Tod diräkt id Ougä zgseh,
Gits ä Todesfee wo mau seit fertig weh?!
Scheiss uf zKlischee, dänk doch eifach mau as Läbä,
fertig mitem schwäbä oder wotsch im Benz stärbä..

Ref:

Es macht "päuuu" gsehsch nüt angers aus bluet,
es macht "päuuu" auses angärä aus Muet...
Es isch nid so gschiid nid so schlau,
ei Sekundä nid druf gluetgt machsch für zLäbä lang Blau...

Part 2.

Wiviu Tränä fliessä, wiviu Müetter immer widr gränä,
wiviu Väter wo säch au Tag a dis Grab alähnä...
Wiuviu Schwöschter u Brüeder hingerlasch mit schmärzä,
Killsch di killsch dis Läbä u no tusig Härzä...
Schiss ufä Drüer, schiss uf nünzä zou Fäugä,
schiss uf di Spoiler dä wird dr o nid häufä...
Check dis rächtä Bei check dis Gasspedau,
blib immer cool am stüür wit entfährnt vom Spitau...
Säg nid scheissegau, das isch kes Spiu Homy,
o kes Schicksau, du entscheidisch für di Homy...
Isch dr das würkläch Wärt für bläch uf vier Reder,
300 ps für di 500 bluetbeder!!!
600 todeslieder u tusig zitigsbrichtä,
schockiersch es ganzes Land mit dinä Horrorgschichtä....
Mit dinä Horrorsichtä wo iz hüt zu Tat si wordä,
du bisch chli verletzt di bifahrer a Ort grad gstorbä!!
Muesses so wit cho warum bruchts es todesopfer
warum gsehsches nid i, bruchts würkläch todesopfer?!?
Setz es Ziu im Läbä hör uf mit däm Schwachsinn,
Vergiss di Raserziit start iz mit dim Nöibeginn...

Ref:

Es macht "päuuu" gsehsch nüt angers aus bluet,
es macht "päuuu" auses angärä aus Muet...
Es isch nid so gschiid nid so schlau,
ei Sekundä nid druf gluetgt machsch für zLäbä lang Blau...

Outro