Part 1.
Gebore i dr Schwiz, mini Wurzle usem Kovoso,
Lulzim Axhami im 81i in Bern uf d’Wäut cho.
Gastarbeiters Sohn, ä Giu wi viele anderi,
mini Chindheit im Verglich isch nid viu andersch gsi.
Im Weschte vo Bärn id Schueu us Schüeler usgezeichnet,
Warum si Bern West us Gettho immer hei bezeichnet.
Die Frag hani ig mir immer wiedr jedä Tag gsteut,
Doch nie e Antwort becho, nie witer verzeut.
Mhh, Sekabschluss à la bonne heure,
Es het grad glängt fürne Lehrsteu us Sanitärmonteur.
Obwou nüt vom Bou ha wöue wüsse hanis gno,
Was hani wöuä Bro, ha nüt bessers becho!?
Ha paar Jahr druf büglet u ha mis Brot so verdient,
Familie u mis erschte Aubum drmit finanziert.
Ha paar Jahr kämpft hüt bini wit wäg vo däm,
Hüt nennt mi ä chline Giu Papi öper Businessman.

Ref:
Stouzi Shipis vo Chopf bis Fuess,
Adlerdoppuchopf Markezeiche üse Gruess.
mir wöi nur üses Läbe füehre so wi mr si,
Liebi Schwiz höret uf mit dr Albanerphobie.

Mir si stouzi Shipis vo Chopf bis Fuess,
Adlerdoppuchopf Markezeiche üse Gruess.
mir wöi nur üses Läbe füehre so wi mr si,
Liebi Schwiz höret uf mit dr Albanerphobie

Part 2.
I cha so gwüssi Sache nid verstah chume nid klar,
gspühres bar, mängisch fühel i mi wine War.
Es Produkt wo funktioniert solang du komplett nach dr Pfiffe tanzsch,
Es voukommenes Produkt wo schlicht nid biete chasch.
Mir ticke glich Bügu-Hei, trinke es Bier,
Si weder irgendwie Roboter no irgend es Tier.
Was heit dr z’Gfüeu, aui Shipis i glich Topf schmeisse,
I würd nid mau so dänke o wenni würd Blocher heisse.
Fuck it, es Kapitu für sich,
SVP kreiirt bösi Shipis us Mittu für sich.
Steut üs tägläch i dr Schwizer Medielandschaft a d’Wand,
statt üs nöcher zäme z’bringe gits e Sicherheitsabstand.
Churzerhang, tumout wi imne Dorftheater,
i dr Fuessbauwäut verbiete sie dr Doppuadler.
Das isch kaputti Politik wines öds Stück Fleisch,
mir wüsse was passiert wenn permanent Öl ids füür gheisch!

Ref:
Stouzi Shipis vo Chopf bis Fuess,
Adlerdoppuchopf Markezeiche üse Gruess.
mir wöi nur üses Läbe füehre so wi mr si,
Liebi Schwiz höret uf mit dr Albanerphobie.

Mir si stouzi Shipis vo Chopf bis Fuess,
Adlerdoppuchopf Markezeiche üse Gruess.
mir wöi nur üses Läbe füehre so wi mr si,
Liebi Schwiz höret uf mit dr Albanerphobie.