Mera Zymeri-Kabashi është një këngëtare me prejardhje nga Kosova, por e lindur dhe e rritur në Gjermani. Ajo ka shumë talent për të kënduar këngën e mirëfilltë shqipe, gjë që e bën që ajo ti qëndrojë besnike kësaj kënge. Këndon në skenat mbarëshqiptare që nga vitet '90, ku prezantohet kryesisht me këngë kushtuar gurbetit, e trimërisë shqiptare. Ka edituar shumë albume dhe një numër të konsiderueshëm këngësh. Ka bashkëpunuar me kompozitorë të shquar siç janë Edmond Zhulali, Burim Krasniqi etj. Familja e saj është e përbërë nga bashkëshorti Afrim Kabashi, djali i saj, nëna, babai dhe tre motrat. Ka hobi këndimin, kompozimin, vallëzimin, gjimnastikën. Jeton dhe vepron në Gjermani.
