A B C D E F G H I J K L M N O P Q R S T U V W X Y Z #

Meraku I Nënës

Po prit more bir, thoshte nëna
S'e ndjen që të ngrin ky thëllim?
Në udhën me hithra e gjemba
Askush nuk të pret, shpirti im
Unë isha në moshë të pranverës
Si prilli, me lotin në sy
Po hijet e zeza pas derës
Më ndalnin, të rrija aty
Askënd nuk e ftonte kambana
Se zotit i ngritëm qivur
Të vegjël, arnonim me arrna
"Zeusin" që mbante flamur
Dy buzët, si portat e burgut
Çdo klithmë e prangosnin, çudi!
Ngujuar në heshtjen e murgut
Më kot ëndërroja - liri...
Meraku i nënës parreshtur
Më puthte çdo hap vetmitar
Sa fjalë më kanë humbur vëllezër
E sot i kërkoj si i marrë!
Trishtimin e treta në këngë
Askush s'më kërkoi pendesë
Dhe renda në shtigjet e zënë
Dhe s'ndalem, se s'mundem të pres!

- poezi nga Mihal Gjergji


Nuk ka akoma asnjë votë






Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2018