Kujtimet ni motër kur mi ka shpalue
Tu ja ngu fjaltë n'zemër m'ka përvlue
Rrugët e jetës i kish fillu mbarë
Nga Tirana, nuse n'Kosovë ish ardhë
Ditët e rinisë sa mirë i shijoj
Me Hysni Kryeziun fati e bashkoj

Lirinë e Kosovës me gëzim e pritën
Tri lule të bukra me dashni i rritën
N'Kosovë e n’Shqipni pa ndal tu punu
Menzi pritshum ditën, me pushu
Po, vallja e vdekjes ândrrat naj fiki
N'zemër të Hysniut pa mëshirë trokiti

N'ditlindje t'Kujtimit tu knaq e tuj lu
Tinxa nëpër terr vdekja ish afru
Pas natës festive me fëmijët tonë
Ni dhimje e madhe gjoksin ja shtërngoj
Ndihmën e parë shpejt ja kena dhanë
Edhe ni pikë ujë për herën e mramë

Te dera e spitalit prej tij jena nda
Të gjallë asniherë mâ se kena pa
Ni rrufe prej qielli um ka ra te krytë
Kur më thanë përjetë se i ke mbylli sytë
Nga ai lajm i zi, akull jam ngri n'ven
Plagën e shpirtit as koha s'ma men

Qysh s'pate mëshirë aspak mori jetë
Qysh me ju than' fmive babi ju ka vdek
Të gjithë u trishtum n'Kosovë e n’Shqipni
Familja e Hysit edhe njerzit e mi
Prej asaj dite na ka ndryshu jeta
F'mijtë jetim pa babë, e unë pa ty mbeta

Nuk u ndalke loti, shkojke si valë deti
Vendi, ven s'na nxike, na mori kurbeti
Jo as Amerika dhimbjen nuk n’a ndali
Për ty po kanë mall Kujtimi e Albani
Në çdo hap Sibora ka me t'thirr n'emër
Kujtimet për ty gjithë do t’i mbajmë n'zemër