Olti Curri nuk është vetëm një autor i teksteve të këngëve, por edhe moderator në TopAlbaniaRadio dhe opinionist. Ka lindur në Durrës dhe jeton në Tiranë.
Duket se gjen fjalët perfekte për baladat. Tekstet e tij, të sjellë në zëra të mrekullushëm të këngëtareve tona, janë bërë hite për zemrat e lënduara, për zemrat e dashuruara, për ato të rigjetura, të rilindura. E gjitha kjo është falë punës, por edhe falë intuitës që ai ka si nje konsumator dhe kritik i pamëshirshëm i punëve të tij. Olti thotë se për tekstet që bën, frymëzohet më shumë nga filmat neo-realistë ku gjithçka është e drejtpërdrejtë, pa ëmbëlsira fallco.