Më mbaj mend (për 1 muaj)


Tema: Poezi Për Shkollën

Kalo Andej!

Kalo andej ku dritat janë ndezur,
të përballosh ngarkesat e jetës
të ecësh me shpejtësinë e kohës
dhe mbrapa të mos ngelësh.

Kalo andej ku pulson gjak i pastër
dhe fryma nuk të mirrej nga smogu
sytë prekin horizontet e agimeve,
të shigjetuar nga koha e m"plakur.

Andej ku mençuria hap dyert e hekurta,
ku miopët dalin nga bataku
atje ku ngjyrat marrin kontrastin
ti do të jesh vetë zot i këtij pragu.

Kalo andej ku zërat polifonojnë,
dirigjentët orkestrojnë më të madhen simfoni,
atje ku nuk shterr fjala në gojë
atje ku abc- ja ka një fillim të ri...

Andej ku ke të shkruar historinë
ku shikon rrënjët e të parëve tanë
andej ku gjaku u derdh lumë mbi suferinë
Dhe me gërma ari u qëndis një Shkabë.

Rruga kalon andej biri im...
nga shkronjat e arta të Dhaskal Tod'hrit,
andej ku rilindasit projektuan ardhmërinë,
nga Shkolla biri im, dhe do të jesh vetë i zoti!

- poezi nga Perikli Shuli


Nuk ka akoma asnjë votë



Më shumë nga Perikli Shuli


Komente mbi këtë krijim


* Të regjistruarit mund të votojnë ose të sinjalizojnë komentet