Në gjinjtë e tu
Në prehrin tënd
Marr kurajo
Si burrë hije rëndë

Martir unë
Për dashurinë
Si një armik
Shkoj e vi

Tani nuk jemi
As unë as ti
Presim ditën
Që të vishemi në zi

E shkrova sot
Një ëndërr që po shuhet
Ta kem kujtim
Kur mos t'më rruhet

Se mali s'vjen
Atje ku do ti
Duhet të çohesh
Të shkosh vetë tek ai

Parashikimi im
Çdo ditë për ty
Është se ata
Do të gënjejnë sërish ne sy

Kur unë të zhdukem
Nga kjo dynja
Do kënaqen vetëm
Borxhlinjtë mama

Se nuk mjafton
Një botë e terë
Zonjë e dashur
Gropen ta kanë bërë

Ti ki besim
Edhe sot
Se e ardhmja jote
Nuk vjen dot

Katastrofa afrohet
Ngadalë e dehur
Ti mbrohesh me kot
Ata thikën e kanë mprehur

Sarkazmi im
Të vret vetëm ty
Se për ata
Dy dhe dy bëjnë prap dy

Me terezi
Kur ta kesh ti
Futja të gjithëve
Në bythë një presh

Se janë mesuar
Të fluturojnë
Me duart lart
Dhe me kokën shumë poshtë

Zemra jote nuk rreh
Më si dikur
Dinjitetin tënd ata
E kanë bërë pluhur

Nacionalizmi
Ështe qesharak
Une e di mire
Mos ki merak

I dashurar
Vetëm me të vërtetën
Sa patetik është njeriu
Kur flet me veten

Mëmëdhe
Kur të thërras
Më vjen të hidhem
Nga një taracë

T'i plas trutë
Në gjoksin tënd
Aty ku burrat/gurët
Janë të rënë/rëndë