Çdo natë përcjell pak dritë
Çdo fjalë prodhon pak frikë
Kushdo mund të jetë i ligë
Dhe armiku mund të bëhet mik

Mos e mbaj kokën nga e shkuara
Si thotë populli, të shkuara - të harruara
S'ka dashuri që nuk derdh lotë
Dhe s'ka lotë që derdhen kot

Disa shpendë fluturojnë vetem
Disa të tjerë vrapojnë gjithë jeten
Ndërsa disa, disa...
Nuk kanë as krahë

Në sytë e njerëzve lexoj histori
Dikush mbahet fort e dikush mban mëri
Dikush ngrihet vetëm lart
E dikush bie përsëri

Sa herë rrëzohem, unë çohem vetë
Sa herë dorëzohem, ringjallem vetë
Por nuk ka problem, gjithcka që ndodh
Them se i'a vlen

Mos u trishto se ka nga ata
Që në jetë kanë vetem para
Ti mos u mërzit
Do gjesh forcë edhe për një ditë

Edhe fati të mashtron nganjëherë
Në dorë ke nje as, por të hedh një tresh
Kështu e ka kjo punë
Mos e vrit mendjen aq shumë

Mos u mërzit
Dielli do ndricojë
Përditë, çdo ditë
Përditë, mos u mërzit