Prizreni Music Fest 2015

---

Thonë se gjërat e mëdha ideohen, organizohen dhe zhvillohen nga njerëz të mëdhenj në qytete të mëdha. Sigurisht që PO! Prizreni po bëhet kryeqendra e një evenimenti mbarëkombëtarë, që pritet të sjellë artistë të shumtë të estradës shqiptare.

"Prizreni Music Fest", është ky evenimenti muzikor mbarëkombëtarë i cili pritet të filloj me 11 Maj në qytetin më të bukur të shqiptarëve, në Prizren.
E sigurisht do të ishte e pamundur të mungonte televizioni numër 1 në Prizren, Televizioni Opinion, për ta përkrahur këtë ngjarje të madhe muzikore. Poashtu edhe Tv TEMA ju ka bashkuar këtij organizimi, duke bërë që shqiptarët të mos i ndiejn as fizikisht e as shpirtnisht kufinjtë në mes vete.
Projektet e mëdha muzikore sikur "Prizreni Music Fest", sigurisht që duhet ta kenë një Producent të madh dhe me përvoj artistike. Është këngëtari nga Shqipëria, Eli-G, i cili po e menaxhon këtë projekt të madh, dhe ka konfirmuar se befasitë nuk do të mungojnë në këtë organizim për herë të parë mbarë-kombëtarë.
Madje, Eli-G ka konfirmuar poashtu se këtij festivali të madh pritet ti bashkohen emra të mëdhenj të estradës shqiptare, duke përfshirë nga Kosova, Shqipëria, Maqedonia, Mali i Zi e diaspora shqiptare.
Sigurisht, ai nuk la pa përmendur edhe pjesëmarrjen e MC Qoppës, Hekuran Krasniqit, Mendarit, Xheraldina Berishës, Grupit "Ilirët", e shumë e shumë emra tjerë, që pritet të jenë befasia e këtij festivali të madh.

Janë dy vajza bukuroshe moertore nga Shkodra, dy motrat, Elis dhe Miranda.

Dy motrat bukuroshe pritet të vijnë ekskluzivisht në muajin Maj për "Prizreni Music Fest". Modertoret bukuroshe janë bërë të njohura nga festivali "Shkodra Fest", i cili është mbajtur në vitin 2014, të cilat e kanë moderuar nga fillimi e deri në fund.