Me gjak loti m’u përzi
Qe sa vjet s’po muj me fshi
Ni mallkim kurrë s’mu largu
S’po muj mirë lirinë me gzu

Pse kjo plagë mi vërboj sytë
Hallin tem nuk osht tu e ditë
Me shëru s’mujta e s’dita
Me m’ikë bijtë, n’liri s’e prita

Sa shtëpitë thatë janë mbet’
E do tjera veç me dy pleq
S’kanë ni llaf me kon me nrru
Se krejt t’rit’ n’kurbet tuj shku

Nuk po muj n’veti me ardhë
Asni ditë nuk p’e kom t’bardhë
Si me m’ra qielli mi kry
Kur poj shoh shpijat me dry

Pashë at’ gjak që m’ra mi tokë
Kudo kofshi nëpër botë
Gjuhën tem që j’au kom msu
Mos i leni fmijtë me harru

Nipa e mesa bini n’kto shkrepa
Le t’pin ujë në krojet e vjetra
Le ta dijnë rrajtë ku i kanë
Mos t’harrojnë se janë shqiptar