Era e robrisë frymën naj ka nxanë
Prapë u çelë n’gjak plaga e ranë
Fushë edhe mal terri naj ka mlu
Vallen e vdekjes bisha don me lu
Prapë i shpalosi librat e krajlit
Po don m’u ngi ma gjak t’shqiptarit

Paskan harrue nipat e krajlit
S’bon me ja m’sy me dal knej gardhit
Ktu dhezet lufta dy herë pa menue
Vallja e shkaut s’munet m’u lue
Sa t’ka burra si Sabit Vllahia
N’Kosovë dardane s’ka ven robnija

Kush e nisë vrapin me nal at’ valle
Pushka e lirisë, pushka çlirimtare
Çarkun e vjetër kush e përtriu
N’Tërnavë t’Llapit Sabit Vllahiu
Deri n’frymë t’funit sa t’kom jetë
Trimat për pushkë s’i la me hjek!

Roje atdheut kush don m’i ba
Te une ni pushkë gjithmonë e ka
Nëse vjen dita për me ra n’burg
Mos kini dert s’ka me fol kurrë
Mos paça ymër me dal n’liri
Zanin e pushkës kom qef me ni

Trimi llapjan kur t’a jep besen
Kurgjo s’pranon ma let’ se vdekjen
Moti kom ni për ni betim
Pushka e lirisë merr hakun tim
Pusho i qetë n’brigje t’Tërnavës
Sabit Vllahiu burrë i madh i fjalës