Nuse me fustan të bardhë
Sa krenare nusëron
Të mundon loti në faqe
Se ke dhëndri ti po shkon

Të mori babai në valle
Porsi flutur ti kërcen
Loti që pikon në faqe
Zemrën djalit ia rrëmben

Me shuplaka gjithë dasmorët
I bëjnë gocës temena
Brohorasin gjithë njëzëri
Nuse bukur, marshallah

Të përcjell nëna tek porta
Nuse bukur me stoli
Po çuditet e gjithë bota
Me bukurinë që ke ti

Udhë e mbarë moj bijë e nënës
Amanet nëna të thotë
Kur të shkosh në derën tjetër
Buzëqesh e mos derdh lot

Me shuplaka gjithë dasmorët
I bëjnë gocës temena
Brohorasin gjithë njëzëri
Nuse bukur, marshallah