Dashuri, ku je?
Kur mendova, se ti erdhe
Pashë: Në ëndërr isha unë
Zemra ime s’gjeti prehje
As e zgjuar as në gjumë.

Ku je ti që u largove
A mos je ndo’j zog shtegtar
Çdo minutë pres t‘ me fanitesh
Kalëruar, n’ kalë të bardhë.

Si të humba, nuk e dita
Ku je tretur? N’ cilin vend?
Ka shumë kohe qe unë te prita
Te kalaja ne Prizren.

Eja pra mos mbaj mëri
Në ke Zot, ti në këtë botë!
Eja e shtrenjta dashuri
Gjatë, për ty, kam derdhur lot.

Mos më thuaj, zëmra ime
Çerdhe tjetër në ke gjet.
Se pa ty unë jam i humbur
Se pa ty më nuk kam jetë.