Çoi krye,shtriga gjarpër,
kokën helm,kthetra,flatër,
lypte gjakun e Antigonës,
lypte shpirtin e Kosovës...!

Tetëmbëdhjetë vjeçe,Antigonë,
lindur,rritur,në Dodonë!
Fëmijërinë,shkollën,i la tok:
Libra,shkronja,plumba,top...

Mos ma shkel,djepin e nanës!
Mos m’i djeg arat me grurë!
Shpërthen n’male,shpirti i këngës:
Mbesa,pushkë,daja flamur!

Lisa...plisa...UÇK-e,
përmbi bishën,si rrufe!
E panë malet,lugje,guri:
Luftoi Gonja,Shkabë flamuri!

Tetëmbëdhjetë vjeçe, Antigona,
Çlirimtare,nga Dodona!
Po jehojnë,malet tona:
Heroinë,Antigona!

Shqiponjë malesh,lule,diell,
sugaresha,e nanës Hyrë!
Për liri dha jetën,n’male!
e UÇK-së,çlirimtare!

Vjen një za,i dalë prej dheu,
hyri e mbeti në histori:
Gjakun flamur,dajë Fazliu,
ranë me mbesën për liri!

Shqiponjë malësh,Antigona,
djep e gjuhë,nga Dodona...
Tetëmbëdhjetë vjeçe,u bë ushtare,
e UÇK-së,çlirimtare!

Prehen lisa,mbinë të tjerë.
UÇK-ja,dhe Antigona!
Lepur,iku shtriga e mjerë,
përgjithëmonë e lirë Kosova!

UÇK-ja ia këputi qafën,
Shtriga gjarpër,dha mandatën!
Vjen një zë,nga malet tona:
Heroinë,Antigona!
Heroinë,Antigona!

Tetëmbëdhjetë,vjeçe,Antigona,
Heroinë,Antigona,
Diell lirie,lulebozhuri
Histori,shkabë flamuri!