Larg atje në një shpat mali
Mbi një pllakë gdhendur në gur
Flet ajo me shkronja zjarri
Ç’lufte u bë dikur.

Vijnë në rreshta partizanë
Veteranët radhë radhë
Ndizet kënga kësaj ane
Këngë e luftë e zjarr.

Refreni 2x
Bashkoi shokë, ushton kjo këngë mali
Me yje plot, i ndrit atdheut balli
Na bashkon ne ideali
Si në luftë për liri.

Vjen në rreshta sot brigada
Plot me nëna e baballarë
Gdhendur jeni ju në zemra
O dëshmorët tanë.

Vitet ikin por në mall
Për ju prush na djeg në gji
Ndaj ja themi tok me radhë
Këngës për liri.