Krijimi muzikor u paraqit tek audienca e gjerë i plotësuar mjaft këndshëm me anë të një videoklipi, produksionin e të cilit e përgatiti 2B Studio X Zeer, ndërsa për regjinë u kujdes Sibel Abdiu. Ky videoklip u publikua më 10 Qershor 2024. Autore e melodisë dhe autore e fjalëve të tekstit është vetë këngëtarja, kënga vjen me bazë instrumentale të edituar nga Black Eagle Beats, ndërsa produksioni audio e përshtatën Benny Bee, Marco Tolo & Kitza. Pasi pauzoi për një periudhë kohore, rep-artisja Tayna është rikthyer me këngë te re, të titulluar "Si ai". Por, siç duket Tayna nuk është ndarë mirë me ish-menaxherin Rinor Hykolli, emri i të cilit shfaqet në videon e bllokuar në YouTube. Ndërkaq Hykolli ka thënë se nuk ia ka bllokuar ai këngën Taynas, por "firmat dhe kontratat që ka bërë për të mbërritur këtu" ku është sot. "Si ai" nis me një dedikim poetik, përmes së cilit Tayna thotë se po e "rikthen pushtetin" që kishte. Përmes rrjeteve sociale, ajo i përgjigjet kështu isj-menaxherit Rinor Hykolli:

"Unë, për mua jam e Para! Për vite kam punuar shumë në cdo disponim te mundshëm, në cdo gjendje emocionale/shpirtërore/shëndetësore pa u dorzuar kurrë e në ndërkohë këto vite, te tjerët i kan shijuar lehtë rezultatet e sukseseve të mia te cilat ju bënë atyre " shpi ". Po shpija ime nuk kishte rëndësi. Shëndeti i familjarëve të mi vazhdon të mos ketë rëndësi per ta.
Në heshtjen e shumë njerëzve mësova shumëçka.
Ashtu si mbreti Artur, me shpatën e së vërtetës, dinjitetit dhe respektit për veten dhe të gjithë njerëzit që një zemër e kanë, dal me kraharorin hapur dhe bërtas: NUK bëhet dot njeriu i madh as me para, as me famë, e as me ligësi. Ti je njeri i vogël kur vjen në këtë Tokë për të vuajtur suksesin që kurrë s’ja ndeve aromën, ke ardhur për t’u kacavjerrë në xham ashtu si një kërmill pas shiu…
Po unë, do të të vrojtoj me durim, sepse unë jam e MADHE…
I kërkoj ndjesë dëgjuesve t’mi për videon e hequr, por unë e di që do më kuptoni, e bashkë me mua, do bëni durim para mjeranëve të cilët nuk lënë një rast t’u ikë, pa treguar sa të vegjël janë!
Un ja kam lënë në dorë drejtësisë edhe Zotit!".

"Artisti s'ekziston pa talentin! Se ku hyn ti këtu, vetëm ti e di. Prej dashnis kam ardh'e me shumë mund jam rrit. Zoti më dhuroi talentin me ia tregu botës se kush jam, e jam falemnderuse tij për këtë deri në përjetësi. E kam vlerësu punën e të gjithë bashkëpuntorëve të mi gjithmonë, aq sa kam besuar në ta e sy mbyllur kam ec me ta...e ndoshta kjo ka qen gabim. E meqë qënka merita jote që prodhoke artistë e meqë je burrë (...) atëherë bëj artiste dikë tjetër, më lër mua mosmirënjohësen. Të tjerat ja lë drejtësisë. Kanë dosje t'madhe me analizu e studiu. Si biznesmen që je, burrë e fabrikë Artistësh, paç fat!".