Ti ec pa droje ndër rrugët tua
S’ve re se unë s’ti heqa sytë
Por dot s’ta them sa fort të dua
Kam shpresë të gjejë një rast të dytë

Dhe qastet ikin e kjo dëshirë
Vazhdon të rrojë në kokë e gjallë
Gjersa pasqyra pa pas mëshirë
Më ngre një pritë dhe del perballë

Sa kot mundohem për me e flakur
Me copë e grima ta hedh në udhë
Por turret kohës një vjeshtë e plakur
Me laps të moshës ma shton një rrudhë

Ndaj gjethe t’thara duke u endur
S’më pyesin fare t’ju jap pelqim
Po zbresin zëshëm si zogj të çmendur
Ketu mbi shpatull mbi krahun tim …