Siç është bërë traditë në showbizin shqiptar, ky produkt muzikor është përcjellë online i plotësuar në prizmin vizual edhe me anë të një klipi muzikor, për të cilin u kujdesën DArt Channel & Four Infinit Production. Ky videoklip u publikua me datë 2 Korrik 2017. Për këngën ka punuar kompozitori Alban Furtuna, ndërsa për fjalët e këngës u përkujdes Ismail Malaj. Kënga është ritmike dhe një hit veror. Skenat e klipit janë realizuar në jugun e Shqipërisë. Vende atraktive buzë detit dhe momente frymëzuese nën perëndimin e diellit. Ata shprehen të kënaqur me punën profesionale të ekipit të xhirimit.