Për të gjithë fëmijët vjen për herë të parë në Shqipëri, “X Factor Kids”. Kjo është një mundësi unike për të gjithë fëmijët deri në 12 vjeç që ëndërrojnë të ngjiten në skenë dhe të ndriçojnë me talentin e tyre! Audicionet u zhvilluan më 21 Janar 2025, në ambientet e Tv Klan. Një eksperiencë magjike dhe emocionuese që do të kujtohet për tërë jetën. Ky është momenti për të realizuar ëndrrat e vogla me zë të madh. Një format për të gjithë familjen që premton argëtim, muzikë dhe garë për të zbuluar cili do të ketë faktorin “X”.

Në çeljen e talent show-t më të madh në Shqipëri, dedikuar fëmijëve, “X Factor Kids”, një spektakël që synon zbulimin dhe promovimin e talenteve të rinj, e atyre talenteve që në një të ardhme mund të jenë brezi i ri i artistëve shqiptarë, moderatorja Alketa Vejsiu zbuloi disa nga surprizat e ristë.

Vejsiu tha se do të ketë katër kategori të ndarjes dhe përzgjedhjeve të konkurrentëve të vegjël, kategori vajzat, djemtë, kategoria junior që janë fëmijët në limitin e moshës që mund të pranohen në këtë spektakël dhe kids, ata më të vegjlit fare.

Një risi e spektaklit është “superpower”, një anëtar i jurisë do të ketë të drejtën të shpëtojë nga eliminimi, një prej konkurrentëve që rrezikon, por që mund të jetë më i talentuari ndër të tjerët.

“Janë katër kategori vajzat, djemtë, kategoria junior që janë fëmijët në limitin e moshës që mund të pranohen në këtë spektakël dhe kids, ata më të vegjlit fare.

Në këtë spektakël do të kemi dhe risi, superpower, superfuqia është një nga anëtarët e jurisë në fund, ku do të kemi ata konkurrentë që do të jenë në dyshim për t’u eliminuar apo për të vazhduar mundësinë e kthimit të njërit prej tyre, më të talentuarit. Do të kemi emocione sonte, gara fillon tani suksese konkurrentit të parë”, tha Alketa Vejsiu