Yjet Shqiptarë të Diasporës është një program televiziv shqiptar në zhanrin talent show, i prodhuar nga Top Channel, që thekson talentet e shqiptarëve të rinj ose të njerëzve me origjinë shqiptare që jetojnë jashtë Shqipërisë. Synohet grupmosha mes 14 dhe 30 vjeçare. Programi po filmohet në qytete të ndryshme të Evropës, si Roma, Dortmundi, Shkup, Prishtina, Bazeli, Milanoja, etj. Ai është në prodhim e sipër.

Programi mbahet në kuadër të aktiviteteve të Fondacionit Dritan Hoxha, dhe përkrahet nga Ministria e Ekonomisë, Kulturës dhe Inovacionit të Shqipërisë.

Programi përfshin një sërë kategorish performuese ku pjesëmarrësit mund të tregojnë aftësitë e tyre. Kategoritë kryesore janë:

Kërcim
Aktrim/Performancë
Muzikë
Këndim
Forma të Tjera të Artit
Pjesëmarrësit duhet të dorëzojnë një aplikim, i cili përfshin detajet e tyre personale dhe një video 60-sekondëshe duke performuar në zhanret përkatëse. Pas fazës së audicioneve, ku janë përzgjedhur talentet e rinj të Diasporës Shqiptare, publiku, me anë të votimit online, zgjedh gjysmëfinalistët, ndërsa juria e përbërë nga një panel me figura publike të njohura shqiptare, zgjedh talentet e reja që shkojnë në fazën finale të programit.

Faza fillestare e garës është proçesi i aplikimit. Pjesëmarrësit aplikojnë online duke ofruar informacionin e tyre personal dhe duke dorëzuar një klip video të shkurtër (60 sekonda) që demonstrojnë talentin e tyre. Këto video shqyrtohen nga producentët e shfaqjes për të përzgjedhur pjesëmarrësit për fazat e ndryshme të transmetimit. Programi "Yjet Shqiptarë të Diasporës" prodhohet nga Top Channel. Prodhimi përfshin xhirimin në vende të ndryshme ndërkombëtare,duke lejuar pjesëmarrësit nga shtetet e ndryshme të marrin pjesë dhe të tregojnë talentin e tyre. Producentja ekzekutive dhe skenaristja e programit është Ledja Liku, ndërsa ideator,dhe moderator, është koreografi i mirënjohur shqiptar Ilir Shaqiri. Programi ka ndikuar në promovimin e kulturës shqiptare dhe në ruajtjen e identitetit kulturor mes brezave të rinj në diasporë. Pjesëmarrësit nga diaspora shqiptare kanë pasur mundësinë të prezantojnë ide dhe projekte përballë një audience globale, duke promovuar talentet dhe arritjet e tyre përtej kufijve të Shqipërisë,Kosovës dhe Diasporës Shqiptare. Ky përfshirje ka bërë të mundur që ata të ndihen të lidhur më ngushtë me rrënjët e tyre dhe të kontribuojnë në zhvillimin e vendit të origjinës.

• {{ evt.section_title }}

  {{ evt.title_feed }}

  {{ evt.subtitle_feed }}

  {{ stb }}

  ---

  📆  {{ evt.fancy_date }}