Përmbi Tepelenë moj
ma kishe shtëpinë moj
qaje moj Minushe moj,
qaje vajzerinë.

Dy gisht përmbi vetull moj,
ç’ma mbaje shaminë moj
qaje moj Minushe moj,
qaje vajzerinë.

Nga zëri kokoshit moj
ç’ta gjeta shtëpinë moj
qaje moj Minushe moj,
qaje vajzërinë.

Me fustan të gjatë moj
ç’ma fshije avllinë moj
qaje moj, Minushe moj
qaje vajzërinë.

Me bishtin e fshesësh moj
ç’ma fshije avllinë moj,
qaje moj, Minushe moj
qaje vajzërinë.