Këndon Grupi "Fllad Jugu" (solist Begator Llaci; shoqërojnë Ylli Baka, Jonuz Ajazi, Shpëtim Malasi). Nga albumi "Fllad Jugu" (2001).

Kënga e Çelo Mezanit është një këngë popullore polifonike. Kjo këngë shihet si një nga këngët më të bukura të çamëve. Kënga rriti vëmendjen për vlerat shqiptare nga Çamëria dhe historinë e saj.
Kënga u kompozua gjatë periudhës së Rilindjes Kombëtare dhe tregon e vajton vdekjen e Çelo Mezanit, një kryengritës Çam nga fshati i Perdikës (ose Mazreku i Margëlliçit) në Çamëri. Çelo Mezani jetoi nga fundi i shekullit të 19-të dhe ishte kaçak që luftonte kundër osmanllinjve. Spiunë osmanë e vranë me pabesi.
Kënga e Çelo Mezanit përbehet nga tre pjesë dhe këndohet nga dy solistë dhe një grup isoje. U incizua në 1957 në Fier dhe në Skelë, Vlorë, nga refugjatë çamë që ishin zhvendosur në ato vise pasi dëbimit të tyre nga Greqia. Në të dyja regjistrimet nuk ka vegla muzikore dhe kënga është vetëm me zëra.
Kënga ishte në plan të këndohej ne Festivalin Folklorik Kombëtar të Gjirokastrës në 1973, po regjimi politik e censuroi . Në 1978 u këndua në Festivalin Folklorik Kombëtar të Gjirokastrës nga një grup këngëtaresh nga Rrogozhina dhe u shoqërua me violinë, klarinetë, llautë and dajre. U pëlqye shumë nga publiku dhe u bë sinonim i muzikës shqiptare çame. Sipas kompozitorit Agim Krajka, kënga ishte një nga mënyrat më të mira për publikun shqiptar që ta njihte më mirë krahinën e Çamërisë dhe historinë e saj.
Solisti i parë këndon duke treguar, kurse solisti i dytë përsërit pjesën e dytë të vargut. Grupi i korit pason zërin.