Ka material edhe për videotekën shqiptare, sepse krijimi muzikor është lansuar para audiencës i realizuar nga ana vizuale me një klip muzikor, të cilin e krijoi ASHA. Videoklipi u publikua më 30 Gusht 2012. Si zakonisht energjia e Yllit nuk ka te shterur dhe projektet nuk kane te ndalur. Ylli lajmeroi lansimin e kenges qe gjithashtu do te ishte krijim i tij. Kenga "Lart mbi yje" me tekst dhe muzike te vet Yllit dhe me orkestrim te mjeshtrit Florent Boshnjaku, pak kohe pasi u publikua u be e ditur se do t'i behej edhe videoklipi. Dhe ne fakt ashtu ndodhi. Videoklipi ngërthen në vete thjeshtësinë dhe butësinë e këngës, duke qenë kështu një prej videoklipeve më bukur të realizuar ne veren 2012. "Pres që kjo këngë të ketë sukses. Unë tentoj të jem sa më cilësor në krijimet e mia, po ashtu edhe autentik. Kënga "Unë" me Kapon ishte sukses i madh, ndërsa ajo që dëshiroj për "Lart Mbi Yje" është që të pritet sa më mirë dhe që të dëgjohet. Për mua me rëndësi është cilësia në rend të parë, vlera e një projekti, nëse bëhet hit, apo jo, nuk më bëhet vonë", ka theksuar Ylli. Këngën Ylli e ka publikuar pikërisht për ditëlindjen e nënës së tij (zonjes Fatime), e cila si dhuratë e ka dëgjuar e para këngën e re. Por pritja e mire e kenges, klikimet e shumta brenda nje kohe te shkurter, renditja ne vendet e para te top-listave muzikore nuk ishin dhuratat e vetme qe vera e vitit 2012 siguroi per Yllin. Performanca e talentit të jashtëzakonshëm duket se tashmë ka thyer kufinjt dhe ka arritur madje edhe në dorën e vet këngëtarit Rone Pope, me kengen e se cilit Ylli ishte prezantuar per here te pare ne The Voice. Ai ka shpërndarë videon e performancës së Yllit në Voice: "Shikoni Yll Limanin duke kënduar një prej këngëve të mia në Voice of Albania. E shikova në hartë, Shqipëria është pranë Italisë. Tani e di se nga vjen Ylli", ka shkruar artisti i njohur ndërkombëtarisht duke bashkangjitur videon e performancës. Dhe, Ylli si një yll i vërtetë nuk e la pa iu falënderuar këngëtarit amerikan për komplimentin, respektin dhe nderin që i bëri."Jam shumë i lumtur që e ke parë. Është një prej këngëve të mia më të preferuara. Faleminderit që më ke shkruar. Ka domethënie të madhe për mua", është përgjigjur Ylli.