Vijën melodike dhe tekstin e mori përsipër vetë këngëtari, kënga vjen me arranzhim në bashkëpunim nga Fatjon Miftari, Zech & Leon, ndërsa produksioni audio u krijua nga Fatjon Miftari. Krijimi i ri erdhi i finalizuar dhe i përpunuar tejet mirë edhe me anë të një videoklipi, i cili u krijua nga Fullmoon Production, teksa regjia e videos u mor përsipër nga The Claudia. Premiera është publikuar më 7 Mars 2025. Patjetër që jeta është e bukur me të gjitha sfumaturat e saj. Veshtirësitë, arritjet, uljet dhe ngritjet që ofron na motivojnë te vazhdojmë përpara, por, e vërtetë është edhe që ndonjeherë të gjithë kemi nevojë për pak "Armëpushim". Të marrim frymë thellë e të rigjejmë vetëveten dhe qëllimet që pa vetëdije rrugës mund të kemi humbur. Të jesh veçanërisht i ndjeshëm e të duash të shpërndash dashuri e mirësi në botën që po jetojmë quhet "dobësi" ndaj shpesh herë gjithçka bëhet dyfish më e lodhshme. Kështu ka ardhur kjo kengë, në një moment mbingarkese, ku për mua ashtu si edhe për shumë nga ju një ditë "armëpushim me jetën" eshtë ajo që duhet. Për t’ju rikthyer të nesërmen "betejave", më i motivuar, mbi të gjitha, me i vetëdishjëm.