Pritshmëritë ishin të mëdha, ndaj ky krijim muzikor është finalizuar para shikuesve i realizuar në prizmin vizual edhe me videoklip muzikor, produksioni i të cilit është punuar nga EMF Creative. Videoklipi u publikua me datë 27 Korrik 2012. Kompozimi dhe okestracioni u krye nga Zzap And Chriss, teksa këngës i janë përshtatur vargjet nga Big Basta. Kjo këngë ishte pikënisja dhe kthesa e madhe në karrierën e Dhuratës. Gjatë një prej performancave të saj e vëren një prej menaxherëve dhe këngëtarëve më të suksesshëm të historisë së muzikës moderne shqiptare, Blero, i cili i vuri kontaktet e para dhe filloi negociatat me Dhuratën që ajo të jetë pjesë e kompanisë BleroEnt. Dhurata vendosi të bëhej këngëtare profesionale dhe të ndjekë ëndrrën e saj të madhe, duke nënshkruar kontratë menaxhuese me BleroEnt.