Nuk është shuar akoma jehona e klipit të tyre "Turn me on", dhe Etnon sollën një tjetër këngë verore për fansat e tyre. Në bashkëpunim me Fajt & Dj Dagz, Etnon kanë lansuar me klip hitin e ardhshëm "Ça Bon Për Mu". Kënga është një tjetër prodhim i suksesshëm nga BlackFish, ndërsa videoklipi është xhiruar në hotelet lluksoze të Turqisë. Në këtë hit veror, shikojmë Gencin dhe Fajt tek kërcejnë nën ritmet hip-hop bashkë me vajza bukuroshe. Kjo këngë përfocon suksesin e hiteve të firmosura nga Etnon, të cilët janë mjaft të angazhuar edhe me koncerte të shumta brenda dhe jashtë vendit.