Emri i këngëtares Fatlume Popovci, nuk është i panjohur për adhuruesit e muzikës sonë popullore. Ajo erdhi në skenën e muzikës me një zë e stil të veçantë, të pëlqyer nga të gjithë ata që e duan këngën, muzikën. Fatlume Popovci llogaritet njëra nga këngëtaret më të preferuara dhe të kërkuara nëpër dasma tona, sepse ajo di të krijojë e të kallë atmosferë, por edhe të dhurojë imazh të ri të gazmendeve, me reportoarin e saj të gjerë të këngëve, nga ato qytetare,popullore e deri te baladat. Për këtë dëshmojnë edhe ftesat e shumta që i bëhen, duke e rezervuar e zënë rend edhe me një vit përpara.
