Produkti muzikor përcillet para një audience më të gjerë në prizmin vizual edhe me anë të një videoklipi muzikor, për video produksionin e të cilit u përkujdes Alexander Video. Ky videoklip u publikua më 16 Korrik 2010. Komponimi, teksti dhe orkestrimi vjen e realizuar nga Flori Mumajesi. Është pa diskutim një ndër klipet më të pëlqyera të verës. Xhirimet për të, kanë zgjatur plot 12 orë pa ndërprerje dhe janë realizuar në Gjirin e Lalzit. Klipi ka 4-5 skena të ndryshme dhe na sjellë në secilën prej tyre një Ingrid të ndryshuar. Edhe këtë herë këngëtarja Gjoni, look-un e saj ja ka besuar stilistes Rezarta Skifteri dhe artistes së make-up-it, njëkohësisht stiliste e flokëve në këtë klip, Frida, e cila a qenë gjatë tërë xhirimeve të klipit në dispozicion të Ingridit, së bashku me një ekip prej 6 vajzash.