Che bella cosa è 'na jurnata 'e sole
'N'aria serena doppo 'na tempesta!
Pe' ll'aria fresca pare già 'na festa
Che bella cosa è 'na jurnata 'e sole!

Ma 'n'atu sole
Cchiù bello, oje nè
'O sole mio
Sta 'nfronte a te!
'O sole, 'o sole mio
Sta 'nfronte a te
Sta 'nfronte a te!

Luceno 'e llastre d' 'a fenesta toja
'Na lavannara canta e se ne vanta
E pe' tramente torce, spanne e canta
Luceno 'e llastre d' 'a fenesta toja

Ma 'n'atu sole
Cchiù bello, oje nè
'O sole mio
Sta 'nfronte a te!
'O sole, 'o sole mio
Sta 'nfronte a te
Sta 'nfronte a te!

Quanno fa notte e 'o sole se ne scenne
Mme vene quase 'na malincunia;
Sott' 'a fenesta toja restarria
Quanno fa notte e 'o sole se ne scenne

Ma 'n'atu sole
Cchiù bello, oje nè
'O sole mio
Sta 'nfronte a te!
'O sole, 'o sole mio
Sta 'nfronte a te
Sta 'nfronte a te!