A B C D E F G H I J K L M N O P Q R S T U V W X Y Z #

Tema: Poezi Për Fëmijët

Një Gjethe E Vetmuar

Një gjethe në oborrin tim
shiu e rreh papushim.


Vjen era në ajër e ngre,
prapë e rrëzon përdhe.


Ajo dridhet ashtu e zbehtë
litarë shiu bien nga retë.


Një gjethe lëkundet e vetme,
e vështroj dhe them me vete:


“Vjeshta me gjethen mban mëri
sepse larg shoqeve ajo rri”.


Gjethet në pemë po bisedojnë,
vjeshta gjethen e vetmuar qorton.



Mars 1987

- poezi nga Irma Kurti


Zgjidhni me sa yje do votoni

Mesatarja:  4.6 / Votuan:  38





Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019