Për të 15 vit rradhazi vjen për publikun shqiptar Festivali i Pranverës apo i njohur si Këngët e Stinës. Koncerti Stinë ’99 nën regjinë e Leonard Gjatës do të sjellë muzikën më të re shqiptare nga këngëtar dhe grupe të afirmuar e po kështu edhe nga grupe dhe këngëtar të rinj. Po cila është e reja më e dukshme e këtij koncerti një ditë përpara fillimit të tij?

Një skenografi me lule shumëngjyrëshe dhe emra të rinj në prezantim. Përkrah humoristit të njohur Agron Llakaj do të jenë tre vajza, Jorida Malltezi, Suela Paçukaj, Bleona Qerreti. Kjo katërshe do të prezantoj për dy netë radhazi 34 këngët e pranverës së sivjetshme.