Një ndër këngëtaret më të njohura, dhe me te bukura dhe preferuara në trojet shqiptare. Karriera e Leonorës ka filluar në moshën 15 vjeçare ku ka kënduar për herë të parë në festivalin "Zëri i Drenicës". Kënga e parë ishte "Dallëndyshe dhe bukuroshe". Ka marr pjesë edhe në festivale të tjera si për shembull Festivali në Radio dhe Televizionin Shqiptar. Albumet e Leonorës përmbajnë muzikë të rrymave të ndryshme. Albumet e fundit përmbajnë këngë pop të inspiruar nga muzika turke. Ndër kënget më të njohura dhe të dashura të Leonorës është "A vritet pafajësia". Kjo këngë doli gjatë luftës së Kosovës dhe ka për temë luftën dhe armikut serb ndaj shqiptarëve. Leonora ja dedikoj këtë këngë babait të saj që ishte pjesëtar i UÇK dhe vdiq gjatë luftës. Pas luftës Leonora u shpërngul ne Skenderaj dhe u vendos në Prishtinë, ku edhe banon sot me nënën, motrën dhe vëllanë.
Në vitin 2003 ne xhirimet e Zico Company Leonora kishte nje konflikt me kolegen e saj Adelina Ismajli. Leonora e denoncoi në polici Adelinën, dhe prokuroria vendosi që ta hedh poshtë çështjen. Konflikti fizik mes Leonorës dhe Adelinës edhe u politizua; gazeta "Epoka e Re", e afërt me PDK, vendosi që ti besonte versionit të Leonorës për atë se çka kishte ndodhur, ndërsa gazeta "Bota Sot", e afërt me LDK-n bëri vendim të kundërt, i besoi versionit të Adelina Ismajlit. Në programin "Përralla me tupanë" në Radio Televizionin e Kosovës më datën 01 shkurt 2007, Leonora Jakupi deklaroi se do të mund të pajtohej me Adelina Ismajlin, vetëm nëse ajo i kërkon Leonorës falje publikisht. Disa herë në intervista është ankuar se Ministria për Kulturën e Kosovës po bën pak për mbrojtën e të drejtave autoriale të këngëtarëve nga Kosova dhe luftimin e piraterisë. Ka marr pjesë disa herë në koncerte bamirëse, si në koncertin për grumbullimin e mjeteve financiare për lirimin e Fatmir Limaj.

---

• ✦ {{ evt.section_title }}

  {{ evt.subtitle_feed }}

  {{ evt.title_feed }}

  ✦ {{ stb }}

  ---

  📆  {{ evt.fancy_date }}