Këngën e kompozoi Emin Aliu, tekstin e punoi Sami Aliu, ndërsa orkestrimi është marrë përsipër nga Habib Meçe. Nuk mund të ishte ndryshe, ndaj ky projekt muzikor është paraqitur në tregun e gjerë të muzikës i ilustruar nga ana vizuale edhe me anë të një videoklipi, për video produksionin e të cilit është kujdesur Jehona, teksa regjia e videos u mor përsipër nga Vigan Shehu. Kjo premierë erdhi në platformat online me datë 4 Prill 2025 dhe që nga dita e parë u prit tepër mirë.