Hedh vështrimin thellë në jetën time
Kujtoj ditët kur kam ëndërruar
Dhe për njerëzit që aq shumë i desha
Këngë dashurie kam kënduar
Mos kërkoni ju në jetën time
Në ditët me diell dhe hënë
Jeta ime që nga ditë e parë
Sot me zërin tim ju flet me këngë
Nga kjo jetë su bëra dot i pasur
Por nga kjo aspak nuk jam trishtuar
Dashurinë e njerëzve më të dashur
Si thesar kjo jetë ma ka dhuruar
Ne artistët me kometat ngjajmë
Gjurmë drite lemë ngado që shkojmë
I zbulojmë jetës të vërtetat
Paqen mbi çdo gjë e dashurojmë
Zemra e artistit vuan
Jo për vete por për ne vuan pa pushim
Ndaj atë aq shumë e duam ëndrrën tonë ai e mban gjallë na jep frymëzim
Si artisti s'ka në jetë për të tjerët vetëm digjet vetëm digjet pa pushim
Ndaj atë aq shumë e duam ëndrrën tonë ai e mban gjallë na jep frymëzim
Si artisti s'ka në jetë është njeriu i vërtetë është njeriu i vërtetë
Sot kujtoj unë vargjet e Naimit
Për pak dritë ai u përvëlua
Mijra njerëz humbën pa lënë gjurmë
Por Naimi kurrë nuk u harrua
Nga kjo jetë su bëra dot i pasur
Por nga kjo aspak nuk jam trishtuar
Dashurinë e njerëzve më të dashur
Si thesar kjo jetë ma ka dhuruar