Vijën melodike dhe tekstin e mori përsipër vetë këngëtarja, teksa për këngën ka punuar si orkestrues Genti Lako. Femi Halimi thotë: "Kjo këngë përvreçse është ndër më të realizuarat në folklorin tonë, ka edhe një pamje të fuqishme në mes vargjeve e melodisë thyese, ku shihet ajpo kohë, e gjendjes së popullit nën sundimin turk për kohë të gjatë. Sundimi i huaj shkatërron dhe shuan një popull andaj edhe popullin tonë sundimi i huaj e solli afër zhdukjes, mu për shkak se sunduesi vepron me të gjitha mënyrat kundër çdo gjëje njerëzore deri në shkatërrim të robit. Kështu edhe kënga kjo na jep shpejt dhe thekshëm gjendjen e popullit, përmes personazheve të Halilit apo Halitit -s'ka rëndësi kjo, - dhe të Beqir agës. Halili një djalkë i ri, me plot energji e elan për të bërë diçka në jetë të vet e të familjes së vet, mundohet me të gjitha mënyrat, qoftë edhe me marrje të tokës çipçi. Toka ishte me shpija e me gjithçka pronë e shënuar e pushtetit sundues ët huaj, kurse çipçillëku ishte marrje -dhënie e njl cope toke për punë, me kushte të caktuara, e që ishin të rënda për marrësin. Po jo vetëm se ishin kushtet e këqija të kontratës për marrësin, porse marrësi duhej të duronte edhe fyerjet e poshtërimet e sundimtarit, për të ardhël deri tek një copë tokë për gjallërim të familjes. Në këtë edhe ndodhte përplasja mes të dy personazheve, ku Halili siç thotë kënga, vret Beqir Agën për kushin që ai i kërkon për fund për të marrë diçka nga prona e tij për punë: që t'ia çonte edhe motrën Hajrinë për tri net. Me këtë hali tregoi se nuk ishte në gjendje si shumica dërmuese të pranonte kushtin e tillë poshtërues, e për më tepër edhe vrau poshtruesin, në çka kënga e ka gjithë poentën e vlerën e përmbajtjes dhe të arses së këndimit të saj!".